ശതോത്തര രജത ജൂബിലി “സിംഫണി “ക്ക് ഫിബ്ര : 2 ന് തുടക്കമാവും
കൊയിലാണ്ടി : ചേമഞ്ചേരി പഞ്ചായത്തിലെ ആദ്യത്തെ സർക്കാർ വിദ്യാലയമായ കാപ്പാട് ഗവ: മാപ്പിള യു. പി. സ്ക്കൂളിൻ്റെ 125ാമത് വാർഷികഘോഷമായ “സിംഫണി 2025 ന്”ഫിബ്ര 2 ന് തുടക്കമാവും. കാലത്ത് 10 മണിക്ക് നടക്കുന്ന പൂർവ്വ അധ്യാപക വിദ്യാർത്ഥി സംഗമം’ ഓർമ്മകൾ പൂക്കുമ്പോൾ ‘ മുൻമന്ത്രിയും പൂർവ വിദ്യാർഥിയുമായ പി. കെ. കെ. ബാവ ഉദ്ഘാടനം ചെയ്യും. 3 ന് തിങ്കളാഴ്ച നടക്കുന്ന നഴ്സറി – അങ്കണവാടി കലോത്സവം വാർഡ് മെമ്പറും എഴുത്തുകാരനുമായ ഷെരീഫ് വി കാപ്പാട് ഉദ്ഘാടനം ചെയ്യും.
4 ന് ചൊവ്വാഴ്ച സ്ക്കൂൾ വാർഷിക കാഘോഷപരിപാടികൾ എൻ.ടി പി അബു ഹാജി നഗറിൽ നടക്കും. വൈകുന്നേരം നടക്കുന്ന സാംസ്ക്കാരിക സമ്മേളനം കാനത്തിൽ ജമീല- എം. എൽ. എ ഉദ്ഘാടനം ചെയ്യും. ചടങ്ങിൽ ചേമഞ്ചേരി ഗ്രാമ പഞ്ചായത്ത് പ്രസിഡണ്ട് സതി കിഴക്കയിൽ അധ്യക്ഷത വഹിക്കും തുടർന്ന് വിദ്യാർത്ഥികളുടെയും രക്ഷിതാക്കളുടെയും കലാപരിപാടികൾ നടക്കും. വാർത്താ സമ്മേളനത്തിൽ സ്സാദിഖ് അവീർ, പി. പി. സതീഷ് കുമാർ, ടി. ഷിജു. എടത്തിൽ രവി എന്നിവർ പങ്കെടുത്തു.
