മലബാര് മൂവി ഫെസ്റ്റിവല് ഏഴാമത് എഡിഷന് തുടക്കമായി, ചലച്ചിത്ര താരം സുധി കോഴിക്കോട് ഉദ്ഘാടനം ചെയ്തു
കൊയിലാണ്ടി: മലബാര് മൂവി ഫെസ്റ്റിവല് ഏഴാമത് എഡിഷന് തുടക്കമായി, ചലച്ചിത്ര താരം സുധി കോഴിക്കോട് ഉദ്ഘാടനം ചെയ്തു. നഗരസഭാധ്യക്ഷ സുധ കിഴക്കേപ്പാട്ട് അധ്യക്ഷയായി. വൈസ് ചെയർമാൻ കെ. സത്യൻ, സ്ഥിരം സമിതി അധ്യക്ഷൻ ഇ. കെ. അജിത്ത്, പി. രത്നവല്ലി, ഫെസ്റ്റിവൽ ഡയറക്ടർ ഡോ. സി. എസ്. വെങ്കിടേശ്വരൻ, വിനീതവിജയൻ,എഫ്.എഫ്.എസ്.ഐ പ്രതിനിധി മോഹനൻ,
യു. ഉണ്ണികൃഷ്ണൻ എന്നിവർ സംസാരിച്ചു. സംവിധായകരായ വി. സി. അഭിലാഷ്, സുസ്മേഷ് ചന്ദ്രോത്ത്, പ്രതാപ് ജോസഫ് തുടങ്ങിയവർ പങ്കെടുത്തു.
പാൻ ഇന്ത്യൻ സ്റ്റോറി ശ്രദ്ധ നേടി മലബാർ മൂവി ഫെസ്റ്റിവൽ ഒന്നാം ദിവസം വി. സി. അഭിലാഷ് സംവിധാനം ചെയ്ത എ പാൻ ഇന്ത്യൻ സ്റ്റോറി പ്രേക്ഷക ശ്രദ്ധ നേടി. ആദിത്യ ബേബിയുടെ കാമദേവൻ നക്ഷത്രം കണ്ടു, പ്രതാപ് ജോസഫിൻ്റെ മാവോയിസ്റ്റ്, ടി. പത്മനാഭനെ ക്കുറിച്ച് സുസ്മേഷ് ചന്ദ്രാേത്ത് സംവിധാനം ചെയ്ത നളിനകാന്തി ഡോക്യുമെൻ്ററി, എം .ടി. യുടെ നിർമ്മാല്യം എന്നിവ പ്രദർശിപ്പിച്ചു.
