ഇൻകുബേഷൻ സെന്ററിലേക്ക് അപേക്ഷ ക്ഷണിച്ചു

സംരംഭകർക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന ഇൻസ്റ്റിറ്റ്യൂട്ട് ആയ കേരള ഇൻസ്റ്റിട്യൂട്ട് ഫോർ എന്റർപ്രണർഷിപ്പ് ഡവലപ്‌മെന്റ് (കെ.ഐ.ഇ.ഡി) സംരംഭകർക്കായി ഇൻകുബേഷൻ സെന്റർ ആരംഭിക്കുന്നു. അങ്കമാലിയിലുള്ള  KIED ഇന്റെ  എന്റർപ്രൈസ് ഡെവലപ്‌മെന്റ് സെന്റർ (ഇ.ഡി.സി), ഇൽ ആണ് ഇൻകുബേഷൻ ആരംഭിക്കുന്നത്. പ്രാരംഭ ഘട്ടത്തിലുള്ള സ്റ്റാർട്ടപ്പുകൾക്കും അതുപോലെ തന്നെ കേരളത്തിൽ രജിസ്റ്റർ ചെയ്തിരിക്കുന്ന എം.എസ്.എം.ഇ.കൾക്കും അപേക്ഷിക്കാം.

സഹകരണം, സർഗ്ഗാത്മകത, ഉൽപ്പാദനക്ഷമത എന്നിവ പ്രോത്സാഹിപ്പിക്കുന്ന രീതിയിലാണ് അത്യാധുനിക ഇൻകുബേഷൻ/ വർക്ക്സ്പെയ്സ്  രൂപകൽപ്പന ചെയ്തിരിക്കുന്നത്.

സമഗ്രമായ പിന്തുണ: ഓഫീസ് സ്ഥലത്തിനപ്പുറം, തിരഞ്ഞെക്കപ്പെടുന്നവർക്ക് മെന്റർഷിപ്പ്, നെറ്റ്‌വർക്കിംഗ്‌ അവസരങ്ങൾ, വർക്ക്ഷോപ്പുകൾ, ബിസിനസ്സ് വളർച്ച ലക്ഷ്യമിട്ടുള്ള വിശാലമായ അവസരങ്ങൾ എന്നിവയിൽ നിന്ന് പ്രയോജനം ലഭിക്കും.

മറ്റ് സൗകര്യങ്ങൾ: ഹൈ സ്പീഡ് വൈ-ഫൈ സൗകര്യം, എയർകണ്ടീഷൻ ചെയ്ത വർക്ക് സ്‌പേസ്, മീറ്റിംഗ് ഹാൾ, കോൺഫറൻസ് ഹാൾ.

പ്രതിമാസം 5,000 രൂപയാണ് (ജി.എസ്.ടി കൂടാതെ) ഒരു  ക്യുബിക്കിളിനുള്ള സർവീസ് ചാർജ്. താത്പര്യമുള്ളവർ ഓൺലൈനായി https://shorturl.at/czCKf ൽ ജനുവരി 31ന് മുൻപ് അപേക്ഷ സമർപ്പിക്കേണ്ടതാണ്. കൂടുതൽ വിവരങ്ങൾക്ക്: 0484 2532890/ 0484 2550322/ 9446047013/ 7994903058.