എ കെ ജി ഫുട്‌ബോള്‍ മേളയുടെ ഒരുക്കങ്ങള്‍ പൂര്‍ത്തിയായി, നാളെ മുതല്‍ കൊയിലാണ്ടി ജില്ലാ സ്‌പോര്‍ട്‌സ് കൗണ്‍സില്‍ സ്റ്റേഡിയത്തില്‍ ഫ്‌ളഡ് ലൈറ്റ് ഗ്രൗണ്ടില്‍ നടക്കും
കൊയിലാണ്ടി: 43 ആമത് എ കെ ജി ഫുട്ബോൾ മേള ജനുവരി 12 മുതൽ 26 വരെ കൊയിലാണ്ടി ജില്ലാ സ്പോർട്സ് കൗൺസിൽ സ്റ്റേഡിയത്തിലെ എൻ. കെ. ചന്ദ്രൻ മെമ്മോറിയൽ ഫ്ളഡ്ലൈറ്റ് ഗ്രൗണ്ടിൽ നടക്കും.
ജനുവരി 12 ന് ഞായറാഴ്ച വൈകീട്ട് 6 മണിക്ക് ടി. പി. രാമകൃഷ്ണൻ എം. എൽ. എ. മേളയുടെ ഔപചാരികമായ ഉദ്ഘാടനം നിർവ്വഹിക്കും. ഈ വർഷത്തെ ഫുട്ബോൾ മേളയിൽ മൂന്ന് ടൂർണ്ണമെൻ്റുകളിലായി 32 ടീമുകൾ മത്സരത്തിനിറങ്ങും. എ. കെ. ജി മെമ്മോറിയൽ ട്രോഫിക്കായുള്ള പ്രധാന ടൂർണമെൻ്റിന് പുറമെ U17 ടൂർണമെൻ്റും പ്രാദേശിക ടീമുകളെ ഉൾപ്പെടുത്തിയുള്ള ടൂർണമെൻ്റുമാണ് മേളയുടെ ഭാഗമായി നടക്കുന്നത്.
U17 വിഭാഗത്തിനായുള്ള ടൂർണമെൻ്റ് ജനുവരി 18 ന് വൈകീട്ട് 5 മണിക്ക് കെ. എം സച്ചിൻ ദേവ് എം. എൽ. എ യും പ്രാദേശിക ടീമുകളെ ഉൾപ്പെടുത്തി സംഘടിപ്പിക്കുന്ന ടൂർണമെൻ്റ് ജനുവരി 22 ന് വൈകീട്ട് 5 മണിക്ക് ജില്ലാ സ്പോർട്സ് കൗൺസിൻ പ്രസിഡണ്ട് ഒ. രാജഗോപാലും ഉദ്ഘാടനം നിര്‍വഹിക്കും.
സമാപന പരിപാടി വൈകീട്ട് 6 മണിക്ക് പൊതുമരാമത്ത് ടൂറിസം വകുപ്പ് മന്ത്രി പി. എ. മുഹമ്മദ് റിയാസ് ഉദ്ഘാടനം ചെയ്യും. ഫുട്ബോൾ താരം സി. കെ. വിനീത് മുഖ്യാതിഥിയായി പങ്കെടുക്കു. കാനത്തിൽ ജമീല എം. എൽ. എ വിജയികൾക്കുള്ള ട്രോഫികൾ വിതരണം ചെയ്യും.
സ്വാഗത സംഘം ജനറൽ കൺവീനർ സി. കെ. മനോജ്, പി. വിശ്വൻ മാസ്റ്റർ, എ. പി. സുധീഷ് എന്നിവർ അറിയിച്ചു.
