വൃക്ക രോഗികള്‍ക്ക് ആശ്വാസമായി തണല്‍; ഫണ്ട് ശേഖരണത്തിനായി ഡിസം: 20 ന് കൊയിലാണ്ടിയിലും, ജനുവരി 05 ന് കൊല്ലത്തും, പെരുവട്ടൂരിലും ജനകീയ പങ്കാളിത്തത്തോടെ പണം പയറ്റ്
വൃക്ക രോഗികള്‍ക്ക് ആശ്വാസമായി തണല്‍; ഫണ്ട് ശേഖരണത്തിനായി ഡിസം: 20 ന് കൊയിലാണ്ടിയിലും, ജനുവരി 05 ന് കൊല്ലത്തും, പെരുവട്ടൂരിലും ജനകീയ പങ്കാളിത്തത്തോടെ പണം പയറ്റ്
കൊയിലാണ്ടി: പ്രയാസമനുഭവിക്കുന്ന വൃക്കരോഗികള്‍ക്ക് സൗജന്യ നിരക്കില്‍ ഡയാലിസിസ് സൗകര്യമൊരുക്കി 6 വര്‍ഷങ്ങളായി കൊയിലാണ്ടി തണല്‍ പ്രവര്‍ത്തിച്ച് വരികയാണന്നും , ദൈന ദിന പ്രവര്‍ത്തനങ്ങള്‍ക്ക് ഫണ്ട് സ്വരൂപിക്കാന്‍ ഡിസം : 20 ന് കൊയിലാണ്ടിയിലും, ജനുവരി 05 ന് കൊല്ലത്തും , പെരുവട്ടൂരിലും ജനകീയ പങ്കാളിത്തത്തോടെ പണം പയറ്റ് ചടങ്ങുകള്‍ നടത്തുന്നതിന് ഒരുക്കങ്ങള്‍ നടക്കുന്നതായി ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു .
കൊയിലാണ്ടി ട്രാഫിക്ക് പൊലീസ് സ്റ്റേഷന്‍ റോഡില്‍ പ്രവര്‍ത്തിക്കുന്ന ഡയാലിസ്സീസ് സെന്ററില്‍ പ്രതിദിനം രണ്ട് ഷിഫ്റ്റുകളില്‍ 7 മെഷീനുകളില്‍ 28 പേര്‍ ഡയാലിസ്സീസ് നിര്‍വഹിക്കുന്നു.
സ്‌ട്രോക്ക് വന്നും അപകടങ്ങള്‍ സംഭവിച്ചും ബുദ്ധിമുട്ട് അനുഭവിക്കുന്ന രോഗികള്‍ക്ക് ആശ്വാസമേകുന്ന ഫിസിയോ തെറാപ്പി സെന്ററും, നിത്യ രോഗികള്‍ക്ക് വളരെ വിലക്കുറവില്‍ മരുന്നുകള്‍ ലഭ്യമാക്കുന്ന തണല്‍ ഫാര്‍മസിയും കൊയിലാണ്ടിയില്‍ സേവനം നടത്തി വരുന്നു.
ഡയാലിസിസ് ,ഫിസിയോ തെറാപ്പി സെന്ററുകളുടെ പ്രവര്‍ത്തനത്തിനായി മാസത്തില്‍ ആറു ലക്ഷം രൂപയാണ ചെലവു വരുന്നത്.
നിലവില്‍ ഫണ്ടുകളുടെ അപര്യാപ്തത തണലിന്റെ സേവനങ്ങള്‍ തടസ്സപ്പെടാതെ മുന്നോട്ട് പോവാനാണ് വ്യത്യസ്ത ഏരിയകളിലായി തണല്‍ ജനകീയ പണം പയറ്റ് സംഘടിപ്പിക്കുന്നത്.
വാര്‍ത്താ സമ്മേളനത്തില്‍ തണല്‍ ഭാരവാഹികളായ വി.കെ ആരിഫ് , കെ. നൂറുദ്ദീന്‍ , എ. അസീസ് , അന്‍സാര്‍ കൊല്ലം , വി. പി അബ്ദുല്ലത്തീഫ് പങ്കെടുത്തു
.
