സിപിഐ എം പയ്യോളി ഏരിയ സമ്മേളനത്തിന് ഉജ്വല തുടക്കം

പയ്യോളി: സിപിഐ എം പയ്യോളി ഏരിയ സമ്മേളനത്തിന് ആവേശോജ്വല തുടക്കം. നന്തി  വീരവഞ്ചേരിയിലെ പി ഗോപാലൻ – ഒ കെ പി കുഞ്ഞിക്കണ്ണൻ നഗറിൽ സംസ്ഥാന സെക്രട്ടറിയേറ്റ് അംഗം ടി. പി. രാമകൃഷ്ണൻ ഉദ്ഘാടനം ചെയ്തു. മുതിർന്ന നേതാവും ഏരിയ കമ്മിറ്റി അംഗവുമായ ടി. ചന്തു പതാക ഉയർത്തി. ഏരിയ കമ്മിറ്റി അംഗങ്ങളായ പി. അനൂപ് രക്തസാക്ഷി പ്രമേയവും വി. ഹമീദ് അനുശോചന പ്രമേയവും അവതരിപ്പിച്ചു. ടി ചന്തു, സി കെ ശ്രീകുമാർ, പി എം വേണു ഗോപാലൻ, സി വി ശ്രുതി എന്നിവരടങ്ങുന്ന പ്രസീഡിയം സമ്മേളനം നിയന്ത്രിക്കുന്നു.

വി. ഹമീദ് കൺവീനറായി പ്രമേയ കമ്മിറ്റിയും പി. വി. മനോജൻ കൺവീനറായി മിനുട്സ് കമ്മിറ്റിയും സുരേഷ് ചങ്ങാടത്ത് കൺവീനറായി ക്രഡൻഷ്യൽ കമ്മിറ്റിയും എസ് കെ അനൂപ് കൺവീനറായി രജിസ്ട്രേഷൻ കമ്മിറ്റിയും പ്രവർത്തിക്കുന്നു.

ഏരിയ സെക്രട്ടറി എം. പി. ഷിബു പ്രവർത്തന റിപ്പോർട്ട് അവതരിപ്പിച്ചു. സ്വാഗത സംഘം ചെയർമാൻ കെ. ജീവാനന്ദൻ സ്വാഗതം പറഞ്ഞു. സംസ്ഥാന കമ്മിറ്റി അംഗം കെ. കെ. ലതിക, ജില്ലാസെക്രട്ടറിയേറ്റ് അംഗങ്ങളായ കെ. കെ. ദിനേശ ൻ, കെ. കെ. മുഹമ്മദ്, ജില്ലാ കമ്മിറ്റി അംഗ ങ്ങളായ കെ. കുഞ്ഞമ്മദ്, പി. വിശ്വൻ, കെ. ദാസൻ, കാനത്തിൽ ജമീല എം എൽ എ, ഡി. ദീപ എന്നിവർപങ്കെടുത്തു. 110 പ്രതിനിധികൾ സമ്മേളനത്തിൽ പങ്കെടുക്കുന്നുണ്ട്. ഞായറാഴ്ച സമാപിക്കും.