കൊയിലാണ്ടിയില് പുലര്ച്ചെ രണ്ട് അപകടങ്ങള്
കൊയിലാണ്ടി എസ്.ബി.ഐ ബാങ്കിന് സമീപത്തെ സ്റ്റേഷനറി കടക്ക് മുന്നില് തീപിടിച്ചു. ഇന്ന് പുലര്ച്ചെ 2.30 തോടെയാണ സംഭവം. എസ്.ബി.ഐ ബാങ്കിന് സമീപത്തെ കെ.ടി സ്റ്റാര് എന്ന കടയ്ക്കാണ് തീ പിടിച്ചത്. തുടര്ന്ന് കൊയിലാണ്ടി ഫയര്ഫോഴ്സ് സ്ഥലത്തെത്തി തീ അണയ്ക്കുന്നതിനിടെ കല്ല് കയറ്റിപ്പോവുകയായിരുന്ന ലോറി നിയന്ത്രണംവിട്ട് മറിഞ്ഞ് മറ്റൊരു അപകടം സംഭവിക്കുകയായിരുന്നു.
കോഴിക്കോട് ഭാഗത്തേയ്ക്ക് പോവുകയായിരുന്ന ലോറിയാണ് മറിഞ്ഞത്. അപകടത്തില് അതുവഴി പോയ കാറിന്റെ മേലെ കല്ല് വീണ് കാറിന്റെ മുന്ഭാഗം തകര്ന്നിട്ടുണ്ട്. സംഭവത്തില് നിസ്സാരമായി പരിക്കേറ്റ ലോറി ഡ്രൈവറെ നാട്ടുകാരും ഫയര്ഫോഴ്സും ചേര്ന്ന് കൊയിലാണ്ടി താലൂക്ക് ആശുപത്രിയില് പ്രവേശിപ്പിച്ചു. ഗ്രേഡ് എ.എസ്.ടി.ഓ മജീദ് എം.ന്റെ നേതൃത്വത്തില് ഫയര് ആന്ഡ് റെസ്ക്യു ഓഫീസര്മാരായ ജാഹിര് എം, ബിനീഷ് കെ, അനൂപ് എന്.പി, സനല്രാജ് കെ.എം, നിധിന്രാജ്, ഇന്ദ്രജിത്, ഹോംഗാര്ഡുമാരായ ഗോപിനാഥ്, ബാലന് ഇ.എം, ഓംപ്രകാശ് എന്നിവര് രക്ഷാപ്രവര്ത്തനത്തില് ഏര്പ്പെട്ടു.
