സൗജന്യ തുണി സഞ്ചി വിതരണം നടത്തി
കൊയിലാണ്ടി: ‘ശുചിത്വ കേരളം സുസ്ഥിര കേരളം’ എന്ന ലക്ഷ്യത്തോടെ മാലിന്യമുക്തം നവകേരളം യാഥാര്‍ത്ഥ്യമാക്കുന്നതിനുള്ള ക്യാമ്പയിന്‍ പ്രവര്‍ത്തനത്തിന്റെ ഭാഗമായി പുനരുപയോഗ വസ്തുക്കള്‍ ഉപയോഗിച്ച് പ്ലാസ്റ്റിക് കവറുകളുടെ ദൂഷ്യവശങ്ങള്‍ ജനങ്ങളില്‍ എത്തിക്കുന്നതിന്റെ ഭാഗമായി സൗജന്യമായി തുണി സഞ്ചികള്‍ വിതരണം ചെയ്തു. കൊയിലാണ്ടി എംഎല്‍എ ജമീല കാനത്തില്‍ നഗരസഭ ചെയര്‍പേഴ്‌സണ്‍ സുധ കെ പിക്ക് വിതരണം നടത്തിക്കൊണ്ട് ഉദ്ഘാടനം ചെയ്തു.
നഗരസഭ ചെയര്‍പേഴ്‌സണ്‍ സുധ കിഴക്കേപ്പാട്ട് അധ്യക്ഷതവഹിച്ചു. നഗരസഭ വൈ: ചെയര്‍മാന്‍ അഡ്വക്കേറ്റ് കെ സത്യന്‍ സ്വാഗതം പറഞ്ഞു. കുടുംബശ്രീ മിഷന്‍ ജില്ലാ കോഡിനേറ്റര്‍ പിസി കവിത, നവകേരള മിഷന്‍ ജില്ലാ കോഡിനേറ്റര്‍ പിടി പ്രസാദ്, എന്നിവര്‍ മുഖ്യാതിഥികളായി സംസാരിച്ചു.
സ്റ്റാന്‍ഡിങ് കമ്മിറ്റി ചെയര്‍മാന്‍മാരായ കെ എ ഇന്ദിര ടീച്ചര്‍, കെ ഷിജു മാസ്റ്റര്‍, ഇ കെ അജിത്ത് മാസ്റ്റര്‍ ,സി പ്രജില ,നിജില പറവക്കൊടി, കൗണ്‍സിലര്‍മാരായ വിപി ഇബ്രാഹിംകുട്ടി, കെ കെ വൈശാഖ് ,തഹസില്‍ദാര്‍ ജയശ്രീ എസ് വാര്യര്‍ എന്നിവര്‍ ആശംസകള്‍ അര്‍പ്പിച്ച് സംസാരിച്ചു. നഗരസഭ ക്‌ളീന്‍ സിറ്റി മാനേജര്‍ ടി കെ സതീഷ് കുമാര്‍ നന്ദി പറഞ്ഞു
