അരിക്കുളം പഞ്ചായത്ത് മുസ്ലിം ലീഗ് മിഷന് 500 ശില്പശാല സംഘടിപ്പിച്ചു
കൊയിലാണ്ടി: സ്വര്ണക്കടത്തിന്റെ സിംഹഭാഗവും മലപ്പുറം ജില്ല കേന്ദ്രീകരിച്ചാണെന്നും ഇതു വഴി ദേശവിരുദ്ധ പ്രവര്ത്തനമാണ് നടക്കുന്നതുമെന്നുള്ള പ്രസ്താവന പിന്വലിച്ച് മുഖ്യമന്ത്രി പിണറായി വിജയന് കേരളീയ സമൂഹത്തോട് മാപ്പ് പറയണയെന്ന് ജില്ലാ മുസ്ലിം ലീഗ് വൈസ് പ്രസിഡണ്ട് എസ്.പി കുഞ്ഞമ്മദ് ആവശ്യപ്പെട്ടു. ബി.ജെ.പി. പോലും പറയാന് മടിക്കാത്ത ഭാഷയിലാണ് മുഖ്യമന്ത്രി സംസാരിക്കുന്നത്. ഇത് മതേതര മനസ്സുകളെ വെട്ടി മുറിക്കുന്നതിന് തുല്യമാണ്. അരിക്കുളം പഞ്ചായത്ത് മുസ്ലിം ലീഗ് സംഘടിപ്പിച്ച മിഷന് 500 ശില്പ ശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പ്രസിഡന്റ് ഇ കെ അഹമ്മദ് മൗലവി അധ്യക്ഷം വഹിച്ചു. നിയോജകമണ്ഡലം മുസ്ലിം ലീഗ് ജനറല് സെക്രട്ടറി ടി കെ എ ലത്തീഫ് മുഖ്യ പ്രഭാഷണം നടത്തി പേരാമ്പ്ര ബ്ലോക്ക് പഞ്ചായത്ത് അംഗം പി ടി അഷ്റഫ് പദ്ധതി വിശദീകരിച്ചു. വി വി എം ബഷീര്, കെ എം മുഹമ്മദ്, എന് കെ അഷ്റഫ്, കെ എം അബ്ദുസലാം . എം പി അമ്മത്, കെ എം മുഹമ്മദ് സകരിയ, പി പി കെ അബ്ദുള്ള എന്നിവര് സംസാരിച്ചു
