ഹരിതം ബയോ പ്രൊഡക്ട്‌സ് നഗരസഭ ചെയര്‍പേഴ്‌സണ്‍ ഉദ്ഘാടനം ചെയ്തു
കൊയിലാണ്ടി നഗരസഭ കൃഷിഭവന്റെ സഹകരണത്തോടെ പുളിയഞ്ചേരി സമൃദ്ധി കൃഷിക്കൂട്ടത്തിന്റെ ഹരിതം ബയോ പ്രൊഡക്ട്‌സ്, മൂല്യവര്‍ധിത ഉത്പന്ന നിര്‍മ്മാണ കേന്ദ്രം നഗരസഭ ചെയര്‍പേഴ്‌സണ്‍ സുധ കിഴക്കെപ്പാട്ട് ഉദ്ഘാടനം ചെയ്തു.
നഗരസഭ വികസന സ്റ്റാന്‍ഡിംഗ് കമ്മറ്റി ചെയര്‍പേഴ്‌സണ്‍ കെ.എ.ഇന്ദിര അധ്യക്ഷയായി. ലോഗോ പ്രകാശനം കൃഷി അസിസ്റ്റന്‍ഡ് ഡയറക്ടര്‍ നന്ദിതയും ഉത്പന്നങ്ങളുടെ ആദ്യവില്‍പ്പന മുന്‍ എം എല്‍എ. കെ ദാസനും നിര്‍വ്വഹിച്ചു. പദ്ധതി റിപ്പോര്‍ട്ട് കൃഷി ഓഫീസര്‍ പി വിദ്യ അവതരിപ്പിച്ചു.
നഗരസഭ ആരോഗ്യ സ്റ്റാന്‍ഡിംഗ് കമ്മറ്റി ചെയര്‍പേഴ്‌സണ്‍ പ്രജില സി , വിദ്യാഭ്യാസസ്റ്റാന്‍ഡിംഗ് കമ്മറ്റി ചെയര്‍ പേഴ്‌സണ്‍ നിജില പറവക്കൊടി എന്നിവര്‍ ആശംസകള്‍ നേര്‍ന്നു. വാര്‍ഡ് കൗണ്‍സിലര്‍ രമേശന്‍ വലിയാട്ടില്‍ സ്വാഗതവും വി. അനിത നന്ദിയും പറഞ്ഞു.
