മത്സ്യ കാര്‍ഷിക ദിനം ആചരിച്ചു
കൊയിലാണ്ടി: യൂണിവേഴ്‌സല്‍ കാര്‍മിക് ഫൗണ്ടേഷന്റെ നേതൃത്വത്തില്‍ കൊയിലാണ്ടിയില്‍ മത്സ്യ കാര്‍ഷിക ദിനം ആചരിച്ചു. ഹാര്‍ബറില്‍ നടന്ന ദിനാചരണം സുധ കിഴക്കെപ്പാട്ട് ഉദ്ഘാടനം ചെയ്തു. യു.കെ.എഫ് ചെയര്‍മാന്‍ ബൈജു ലക്ഷ്മി അധ്യക്ഷത വഹിച്ചു.
എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം കരസ്ഥമാക്കിയ വിദ്യാര്‍ഥികള പരിപാടിയില്‍ അനുമോദിച്ചു. വിദേശ മലയാളി തോമസ് കോവള്ളൂര്‍ കടലില്‍ നിന്നും പ്ലാസ്റ്റിക് മാലിന്യങ്ങള്‍ ശേഖരിക്കുവാനുള്ള ബാഗുകളും വള്ളക്കാര്‍ക്കുള്ള ജഴ്‌സികളും വിതരണം ചെയ്തു.
കൊയിലാണ്ടി ഹാര്‍ബര്‍ ഏകോപന സമിതി സെക്രട്ടറിയും നഗരസഭ കൗണ്‍സിലറുമായ കെ.കെ.വൈശാഖ്, ജയന്‍ പ്രഭാകര്‍, പി.പി.ഷൈമ, യു.കെ.എഫ് മെമ്പര്‍മാരായ വി.പി.സുനില്‍ കുമാര്‍, കെ.പി.അശോക് കുമാര്‍, കുമാരി ആരതി എന്നിവര്‍ സംസാരിച്ചു. പ്ലാസ്റ്റിക് മുക്ത കടല്‍ ആണ് ഞങ്ങളുടെ ലക്ഷ്യമെന്നും അതിനു വേണ്ടി യു.കെ.എഫിനൊപ്പം പ്രവര്‍ത്തിക്കുമെന്നും പരിപാടിയില്‍ പങ്കെടുത്തവര്‍ സത്യപ്രതിജ്ഞ എടുത്തു.
