ടി പി ചന്ദ്രശേഖരന് വധക്കേസില് പ്രതികള്ക്ക് ശിക്ഷാ ഇളവ് നല്കാന് ശുപാര്ശ ചെയ്ത ജയില് ഉദ്യോഗസ്ഥര്ക്ക് സസ്പെന്ഷന്
തിരുവനന്തപുരം: ടി പി ചന്ദ്രശേഖരന് വധക്കേസില് പ്രതികള്ക്ക് ശിക്ഷാ ഇളവ് നല്കാന് ശുപാര്ശ ചെയ്ത ജയില് ഉദ്യോഗസ്ഥര്ക്ക് സസ്പെന്ഷന്. ശിക്ഷാ ഇളവിനുള്ള ശുപാര്ശയില് ടി പി ചന്ദ്രശേഖരന് വധക്കേസിലെ തടവുകാരെ ഉള്പ്പെടുത്തി പൊലീസ് റിപ്പോര്ട്ട് തേടിയ ജയില് ഉദ്യോഗസ്ഥരെ സസ്പെന്റ് ചെയ്യാന് മുഖ്യമന്ത്രി പിണറായി വിജയന് ഉത്തരവ് നല്കുകയായിരുന്നു. മൂന്ന് ജയില് ഉദ്യോഗസ്ഥരെയാണ് സസ്പെന്ഡ് ചെയ്തത്.
കണ്ണൂര് സെന്ട്രല് ജയില് സൂപ്രണ്ടിന്റെ ചുമതലയുള്ള ജോയിന്റ് സൂപ്രണ്ട് കെ എസ് ശ്രീജിത്ത്, അസിസ്റ്റന്റ് സൂപ്രണ്ട് ഗ്രേഡ്-I ബി ജി അരുണ്, അസിസ്റ്റന്റ് പ്രിസണ് ഓഫീസര് ഒ വി രഘുനാഥ് എന്നിവരെയാണ് അന്വേഷണ വിധേയമായി സര്വീസില് നിന്ന് സസ്പെന്റ് ചെയ്യാന് ഉത്തരവിട്ടത്.
