കോഴിക്കോട്, മലപ്പുറം ജില്ലകളില് പത്തുപേര്ക്ക് വെസ്റ്റ്നൈല് ഫീവര് സ്ഥിരീകരിച്ചു
കോഴിക്കോട്: കോഴിക്കോട്, മലപ്പുറം ജില്ലകളില് പത്തുപേര്ക്ക് വെസ്റ്റ്നൈല് ഫീവര് സ്ഥിരീകരികരിച്ചു. രോഗബാധയുള്ള നാലുപേര് കോഴിക്കോട് ജില്ലയില് നിന്നുള്ളവരാണ്.
പനി, തലവേദന, അപസ്മാരം, പെരുമാറ്റത്തിലെ വ്യത്യാസം, കൈകാല് തളര്ച്ച, ബോധക്ഷയം, എന്നിവയാണ് രോഗലക്ഷണങ്ങള്.
രോഗലക്ഷണങ്ങള് കാണപ്പെട്ടവരുടെ രക്തം, നട്ടെല്ലില് നിന്ന് കുത്തിയെടുത്ത നീര് എന്നിവ മെഡിക്കല് കോളജിലെ വൈറസ് റിസര്ച്ച് ആന്ഡ് ഡയഗ്നോസ്റ്റിക് ലാബോറട്ടറിയില് നടത്തിയ പരിശോധനയിലാണ് രോഗം വെസ്റ്റ്നൈല് ഫീവറാണെന്ന സംശയം ഉടലെടുത്തത്.
തുടര്ന്ന് സ്രവങ്ങള് പൂനെ വൈറോളജി ഇന്സ്റ്റിറ്റ്യൂട്ടില് അയച്ച് രോഗം സ്ഥിരീകരിക്കുകയായിരുന്നു.
